Unknown

 

L’etimologia es pas sciéncia exacta. Se ditz de Bregançon que seriá estat refugi de bregands. Çò que fariá una gròssa pena ai Presidents de la Republica que ne’n faguèron sa residéncia d’estiu. Lo brave Mistrau va saup pas tròp, que nos ditz : « Bregançoun, Îlot fortfié près d’Hières (Var). Le chroniqueur Bertrand Boisset emploie ce mot dans le sens de pirates, una galiota armada de bregansons » [coma vesètz, Mistral, mens sectari que d’unei díscipols, que la grafia classica espaventa, cita Bertrand Boisset, lo cronicaire d’Arle dei sègles XIV e XV, dins sa bèla grafia classica).

Mai tornem a Bregançon. Sabi pas s’es un eiretatge de delinquéncia, mai aprenem que lo nòstre ben aimat President es anat de Bregançon a l’iscla de Pòrt Cròs, faire de Jet-ski dins lo santuari marin, monte tota navigacion es enebida !