05 janvier 2015

Mòrt d'Ives Roqueta

Vèni d’aprene ambé grand pena la mòrt d’Ives Roqueta, un òme, per dau bòn. Ne’n dirai pas mai, qu’ai pas lo gost de la necrologia. Per ieu, rèsta viu, dins sa drudesa de lenga e d’umanitat, viu coma a Beziers, l’a tant d’annadas, coma à La Gardia piemontesa l’a detz ans, coma dins nòstre darrier rescòntre, au siáu, pròchi Sant Africa, monte parleriam de l’insurrecion de 1851 per l’IEO locau… 
Posté par rmerle à 12:05 - - Commentaires [0] - Permalien [#]
Tags :

05 janvier 2015

Mai lo sordat O

Andrieu Neyton a mai donat sa creacion de 2004, "La légende noire du soldat O" (ambé Alain Aparis, Blanche Bataille, Xavier Laurent, Jacques Maury), dins una tornada regionala e nacionala que s'acaba divendres 9 de janvier au "Théâtre de la Méditerranée", a Tolon (20h45). Es l'escasença de pas mancar de la veire, o la tornar veire. Tòrni dire aicÍ tot lo ben que ne'n pensavi en 2004 : http://archivoc.canalblog.com/archives/2014/10/17/30741112.html
Posté par rmerle à 09:54 - - Commentaires [0] - Permalien [#]
Tags : , , ,
05 janvier 2015

Mistral - 1848 et la vieille Riquelle

Mistral, Memòri e raconte, 1906 Aquel ivèr, li gènt estènt tóuti uni e tranquile e countènt, car la vèndo di fourre anavo pas trop mau e se parlavo plus, gràci à Diéu, de poulitico, s’èro entrenca dins noste endré, pèr un pau s’espaça, de representacioun de tragèdi e de coumèdi ; e, coume ai deja di, emé touto la fogo de mi dès-e-sèt an, iéu ié jougave moun roulet. Dins aquelo entre-miejo, vers la fin de febrié, vai te faire de Diéu ! esclatè la Revoulucioun de 1848.A l’intrado de Maiano, en un... [Lire la suite]
Posté par rmerle à 05:03 - - Commentaires [0] - Permalien [#]
Tags : , ,