marselha bashing

Image levat dau Figaro, 22-8-13

 

Siam polits !

Dins un temps, lei mediàs nos faguèron lo còp de Marselha ciutat consensuala e apasimada, OM, supermestissatge, interfàcia Nord - Sud, pòlar umanista, rap creatiu e tot e tot. Marselha èra de mòda. Oblidats Carbòne Spirito Borsalino & Companhiá. Me faguèri tirar l'aurelha de sortir un roman negre que nos rementava Sabiani e sa descendéncia. "Non Mossur, siguèm positius !"

De mai, a tres oras TGV de Paris, SVP, Marselha èra a bòn mercat, ambé tot plen d'afars immobiliars de faire !

Ara, cambiamen de cap, totau.

Siam, coma dison, dins lo "Marseille bashing" ("bashing" a urosament remplaçat lo francés vielh, "dénigrement", que degun compreniá plus). 

Alora ? ciutat consensuala o ciutat de mèrda ? Va faudriá sacher, "car même". E arrestar de faire de sensacionau sensa parlar dei problèma de fons.