Unknown

Paja “Mesclum” - La Marseillaise - 26 - 4 - 1991

Lo gran e leis aucèus

Onte i a de gran i a l’aucèu. E coma son lei regions qu’an la grana per la cultura d’òc, i a d’aucèus. E de còps que i a d’aucèus que veson pas mai luenh que la grana.

L’avem dich e o tornam dire : es mai que normau de demandar ajuda. Mai seriá gaire positiu per la cultura d’òc que si mete dins la situacion ren que d’una cultura sostenguda per lei regions, que la dimension capitala, aquela justament d’una cultura occitana tota, risquariá d’estre escafada. Ai moviments culturaus de trobar lei dralhas nòvas d’una refus de la barradura provinciala.

Renat MERLE

P.S : messatge personau ai collègas que mi demandan : “perque metes o quora n’autrei metem va ” : aguètz pas paur, es rèn qu’una fòrma mai generala, que nòstre jornau es liegit de Bezièrs a Frejus, e de Tolon ais Aups.